Það er ekki alltaf auðvelt að biðja um hjálp. Ekkert okkar ætti að þurfa að takast á við andlegar áskoranir eitt. Átján ára og eldri, sem hafa áhuga á að vinna í geðheilsu sinni á eigin forsendum, er tekið opnum örmum hjá Hugarafli. Starfsemin er gjaldfrjáls, óháð búsetu og engin krafa er gerð um tilvísanir né geðsjúkdómagreiningar.
Það er ekki alltaf auðvelt að biðja um hjálp. En ekkert okkar ætti að þurfa að takast á við andlegar áskoranir eitt. Hjá Hugarafli er öllum, átján ára og eldri, sem hafa áhuga á að vinna í geðheilsu sinni á eigin forsendum, tekið opnum örmum.
Starfsemi Hugarafls er gjaldfrjáls, óháð búsetu og engin krafa er gerð um tilvísanir né geðsjúkdómagreiningar. Þú getur komið til okkar í Síðumúla 6, 108 Reykjavík eða haft samband í síma 414-1550.
Hugarafl er stærsta grasrótarsamtök fólks með andlegar áskoranir á Íslandi. Starfsemin er mótuð bæði af fólki með persónulega reynslu af andlegum áskorunum og fagfólki. Við leggjum höfuðáherslu á að skapa umhverfi sem ýtir undir valdeflingu og bata einstaklinga og aðstandenda þeirra. Þegar lífið fer úr takti er Hugarafl til staðar.
Allt í lagi með Birni Skúlasyni er vönduð hlaðvarpsþáttasería þar sem Björn Skúlason, verndari Hugarafls og eiginmaður forseta Íslands, fær íslenskt tónlistarfólk í settið til sín. Í þáttunum er farið um víðan völl í lífi listamanna, en þeir eiga þó allir sammerkt að talað er á hispurslausan hátt um andlega líðan og ýmsar áskoranir sem við getum öll tengt við einhvern tímann á lífsleiðinni.